Meksika hökuməti vergi amnistiyasının müddətini uzadıb
Bakı, 1 mart, AZƏRTAC
Meksikanın Daxili Gəlirlər İdarəsi bəyan edilməmiş xarici aktivlərin və gəlirlərin qaytarılması üçün müəyyənləşdirdiyi vergi amnistiyasının müddətini bu il oktyabrın 19-dək uzatmaq barədə qərar qəbul edib.
AZƏRTAC xarici saytlara istinadla xəbər verir ki, amnistiya ilk dəfə 2018-ci il yanvarın 18-də ölkədə 6 ay müddətinə elan olunub. Bu tədbirə əsasən, vergiödəyiciləri 2016-cı il dekabrın 31-dən sonra bəyan edilməmiş xarici gəlirlər üçün vergilərini 8 faizlik aşağı dərəcə ilə ödəyə bilərlər. Meksikada gəlir vergisinin standart dərəcəsi 30 faiz təşkil edir.
Bölmənin digər xəbərləri
