Meksika körfəzindəki neft platformasında güclü yanğın baş verib
Bakı, 7 iyul, AZƏRTAC
Meksika körfəzindəki Cantarell yatağında “Pemex-in Nohoch-A” neft platformasının iki bölümündə güclü yanğın baş verib.
AZƏRTAC Meksikanın “Linea Directa” portalına istinadla xəbər verir ki, platformanın “Nohoch-A Compression” və “Nohoch-A Enlace” bölmələrində baş verən yanğından dərhal sonra heyət təxliyə edilib.
“Tribuna Campeche” xəbər verir ki, platformada yanğın partlayışdan sonra daha da güclənib. Partlayış zamanı 180 işçidən 5-i yaralanıb.
Yatağın platformalarında, ümumilikdə, 5 mindən çox insan işləyir.
Bölmənin digər xəbərləri
