Məleykə Abbaszadə: Bəzi ixtisaslarla bağlı maarifləndirmə işlərinin intensiv aparılması tələb olunur
Bakı, 26 avqust, AZƏRTAC
Hərbi mühəndislik ixtisaslarında dövlət sifarişli yerlər tam dolmayıb. Biz çalışırıq ki, bu istiqamətdə müəyyən maarifləndirmə işləri aparaq. İxtisas seçimi ərəfəsində biz ali məktəblərə sərgidə iştirak etmək imkanı yaratdıq. Sərgidə təqdim edilən ixtisaslara maraq da var idi.
Bunu Dövlət İmtahan Mərkəzinin İdarə Heyətinin sədri Məleykə Abbaszadə AZƏRTAC-ın müxbirinin I qrupda Azərbaycan Texniki Universitetində tədris edilən hərbi rabitə vasitələri mühəndisliyi ixtisasına dövlət sifarişli yerlərin 75 faiz və hərbi materialların kompozisiyası mühəndisliyi ixtisasına qəbulda plan yerinin 45 faiz dolmasının səbəbinə dair sualına cavab verərkən söyləyib.
“Bəlkə də bu hərbi ixtisasları qızlar seçmirlər. Oğlanlar seçirsə, qızlar seçmirsə, belə hal müşahidə olunacaq. Təbii ki, burada maarifləndirmə işlərinin intensiv aparılması tələb olunur. Əlbəttə, biz müəyyən maarifləndirmə işləri aparırıq. Lakin ixtisasla bağlı maarifləndirmə universitetin öz işidir”, - deyə Məleykə Abbaszadə qeyd edib.
Bölmənin digər xəbərləri
