“Məqsədlər üçün əl-ələ” layihəsinə start verilib
Bakı, 1 mart, AZƏRTAC
“ASAN Könüllüləri” Təşkilatının təşkilatçılığı, Azərbaycan Respublikasının Gənclər Fondunun maliyyə dəstəyi ilə “Məqsədlər üçün əl-ələ” layihəsinə start verilib.
Təşkilatdan AZƏRTAC-a bildiriblər ki, layihənin məqsədi Birləşmiş Millətlər Təşkilatı Baş Assambleyası tərəfindən qəbul edilmiş Dayanıqlı İnkişaf Məqsədlərinin əhəmiyyəti barəsində gənclərin məlumatlandırılması, həmçinin onları bu sahədə zəruri tədbirlər həyata keçirməyə istiqamətləndirməkdir.
Beş regionu əhatə edəcək layihə çərçivəsində paytaxt və region gəncləri üçün müvafiq sahə üzrə xüsusi təlimçilər və gənc səfirlərlə görüşlər təşkil olunacaq.
Sonda layihə iştirakçılarından formalaşmış komandalar Dayanıqlı İnkişaf Məqsədləri üzrə təqdimat edəcək. Ən yaxşı təqdimat sahibi olan komanda mükafatlandırılacaq.
Bölmənin digər xəbərləri
