Mərkəzi Gömrük Hospitalında “Xoledoxolitiazın müalicəsi alqoritmi” mövzusunda təlim keçiriləcək
Bakı, 19 iyun, AZƏRTAC
İyunun 20-də saat 15:00-da Mərkəzi Gömrük Hospitalında Azərbaycan Respublikası Dövlət Gömrük Komitəsi Tibb xidmətinin Elmi-Praktiki və Tədris Mərkəzinin təşkilatçılığı ilə “Xoledoxolitiaz xəstəliyinin müalicəsi alqoritmi” mövzusunda təlim keçiriləcək.
AZƏRTAC xəbər verir ki, seminarda Mərkəzi Gömrük Hospitalının Ümumi cərrahiyyə şöbəsinin müdiri, yüksəkixtisaslı ümumi cərrah, tibb elmləri namizədi Namiq Novruzov xoledoxolitiazın diaqnostika və müalicəsində müasir yanaşmalar, endoskopik və cərrahi müdaxilə üsulları, o cümlədən müalicə alqoritmi praktikasında tətbiq olunan üsullar barədə iştirakçılara ətraflı məlumat verəcək.
Təlim çərçivəsində real klinik hallar müzakirə olunacaq və iştirakçılara praktiki tövsiyələr veriləcək. Seminar ixtisaslı həkimlər və tibbi rezidentlər üçün açıqdır. Öncədən qeydiyyat tələb olunur.
Bölmənin digər xəbərləri
