Metroda cibgirlik edən şəxs tutulub
Bakı, 11 mart, AZƏRTAC
Paytaxt polisi cibgirlik yolu ilə oğurluq əməlləri törətməkdə şübhəli bilinən şəxslərin müəyyən olunaraq tutulması istiqamətində əməliyyat-axtarış tədbirlərini fasiləsiz davam etdirir.
Bakı Şəhər Baş Polis İdarəsinin mətbuat xidmətindən AZƏRTAC-a bildiriblər ki, martın 3-də metronun 28 May stansiyasında A.Ə-nin içərisində 80 manat və sənədlər olan pul kisəsini oğurlamaqda şübhəli bilinən Bakı şəhər sakini, əvvəllər məhkum olunan 55 yaşlı A.Niyazov idarənin Metropolitendə Polis Şöbəsinin əməkdaşlarının keçirdiyi əməliyyat-axtarış tədbirləri nəticəsində tutulub.
Faktla əlaqədar şübhəli şəxslə bağlı əməliyyat-axtarış tədbirləri davam etdirilir, onun digər analoji əməllərdə iştirakı istisna olunmur.
Bölmənin digər xəbərləri
