“MİLLİ DÖVLƏTÇİLİK TƏFƏKKÜRÜNÜN BAŞLANĞICI” MÖVZUSUNDA KONFRANS
Konfransı giriş sözü ilə açan YAP Qaradağ rayon təşkilatının sədri Aydın Hüseynov ulu öndərimizin milli-mənəvi dəyərlərə söykənən idarəçilik təcrübəsindən, hakimiyyətinin ilk illərində həyata keçirdiyi ardıcıl işlərdən bəhs etmişdir.
Qaradağ Rayon İcra Hakimiyyətinin başçısı Hüseyn İsrafilov demişdir ki, Heydər Əliyevin milli kadrlar hazırlanması, Azərbaycan hərbi və mülki təhsil müəssisələrinin yaradılması, sənayenin inkişafı və digər sahələrdə gördüyü işlər ölkəmizin gələcək suverenliyi üçün zəngin baza olmuşdur.
Digər natiqlər də Heydər Əliyevin xilaskarlıq missiyasından, Vətənə, torpağa tükənməz məhəbbətindən danışmışlar. Qeyd olunmuşdur ki, dahi rəhbərimiz ömrünü Azərbaycanın işıqlı gələcəyinə həsr etmişdir. O, siyasi hakimiyyətinin birinci mərhələsində Azərbaycan xalqını milli-mənəvi aşınmalardan xilas etmiş, milli dövlətçiliyimizin bünövrəsini yaratmışdır.
Bölmənin digər xəbərləri
