Milli Məclisdə Yeni Kaledoniyanın müstəqillik uğrunda Fransa ilə apardığı mübarizədən bəhs edilib
Bakı, 6 iyul, AZƏRTAC
İyulun 6-da Bakıda keçirilən Qoşulmama Hərəkatının Əlaqələndirmə Bürosunun nazirlər görüşünün bir qrup iştirakçısı Milli Məclisin Beynəlxalq münasibətlər və parlamentlərarası əlaqələr komitəsinin üzvləri ilə görüşüblər.
Parlamentin Mətbuat və ictimaiyyətlə əlaqələr şöbəsindən AZƏRTAC-a bildirilib ki, Beynəlxalq münasibətlər və parlamentlərarası əlaqələr komitəsinin Səməd Seyidov Azərbaycanın dünyanın ən böyük təşkilatlarından biri olan Qoşulmama Hərəkatına sədrliyi dövründə görülən işlərdən danışıb, bu təşkilat çərçivəsində keçirilən görüşlərin və qaldırılan məsələlərin əhəmiyyətini qeyd edib.
Səməd Seyidov Milli Məclisin strukturu, say tərkibi, beynəlxalq təşkilatlarda fəaliyyəti, Azərbaycan parlamentinin Qoşulmama Hərəkatının Parlament Şəbəkəsinə sədrliyi barədə qonaqlara məlumat verib.
Söhbət zamanı Fransanın neokolonializm siyasəti, Yeni Kaledoniya xalqının Fransa ilə müstəqillik uğrunda apardığı mübarizə, dünyada ədalət prinsipinin qorunması və digər mövzularda fikir mübadiləsi aparılıb.
Bölmənin digər xəbərləri
