MİLLİ MƏCLİSİN SƏDRİ MURTUZ ƏLƏSGƏROV MOSKVAYA SƏFƏRDƏN QAYITMIŞDIR
Dekabrın 30-da parlamentin rəhbəri Bakıya qayıtmışdır. Murtuz Ələsgərov Binə hava limanında AZƏRTAC-ın müxbirinə demişdir ki, səfərdən məqsəd dördüncü cağırış Rusiya Federasiyası Dövlət Dumasının ilk iclasında Dumanın sədrinin və müavinlərinin seçkisi prosesini izləmək idi. Səfər çərçivəsində Dövlət Dumasının keçmiş sədri Gennadi Selezniyov və yeni sədr Boris Qrızlovla görüşlərim oldu. Görüşlərdə Azərbaycan-Rusiya əlaqələrinin, eləcə də parlamentlərarası əlaqələrin inkişaf etdirilməsinin zəruriliyi xüsusi vurğulanmış, Ermənistan-Azərbaycan, Dağlıq Qarabağ münaqişəsinin həlli və bu işdə Rusiyanın səylərinin artırılması qeyd edilmişdir.
Parlamentin rəhbəri Murtuz Ələsgərovu Binə hava limanında Milli Məclis sədrinin birinci müavini Arif Rəhimzadə, sədrin müavini Ziyafət Əsgərov, Milli Məclis aparatının rəhbəri Səfa Mirzəyev qarşılamışlar.
Bölmənin digər xəbərləri
