Misir ordusunun generalı koronavirusdan həyatını itirib
Qahirə, 23 mart, AZƏRTAC
Misir ordusunun generalı Xalid Şəltut Silahlı Qüvvələrin hissələrinin paytaxt Qahirədə apardığı dezinfeksiya işlərinə nəzarət edərkən koronavirusa yoluxub.
AZƏRTAC xəbər verir ki, xəstəxanada vəfat edən general-mayor bütün ölkədə dezinfeksiya işlərinin aparılmasına rəhbərlik edirdi. Misir Müdafiə Nazirliyinin mətbuat katibi Tamer əl-Rəfai də onun nəzarəti ilə Tahrir meydanındakı metro stansiyasında görülən tədbirləri sosial mediada paylaşmışdı.
Misir Silahlı Qüvvələrinin komandanlığı general-mayor Xalid Şəltutun vəfatı ilə əlaqədar başsağlığı mesajı yayıb.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
