“MİSİRDƏ VƏ AZƏRBAYCANDA UNİVERSİTET TƏHSİLİ” MÖVZUSUNDA TƏDBİR KEÇİRİLMİŞDİR
AZƏRTAC-ın müxbiri xəbər verir ki, tanınmış alimlərin, təhsil işçilərinin, ayrı-ayrı universitet nümayəndələrinin iştirak etdikləri tədbirdə mərkəzin attaşesi Samiyə Əbdəl-Hakəm çıxış edərək Misirin təhsil sistemi və onun inkişaf yolu haqqında geniş məlumat vermişdir. O, hazırda öz ölkəsində 13 dövlət və 7 özəl universitetin, 4 akademiyanın və ixtisaslaşmış çoxlu digər ali təhsil ocaqlarının olduğunu bildirmiş, həmin təhsil müəssisələrində tələbə və aspirantlar üçün yaradılmış tədris şəraitindən bəhs etmişdir.
Azərbaycan Təhsil Nazirliyinin əməkdaşı Qulu Novruzov ölkəmizin təhsil sisteminin inkişafında, onun dünyaya inteqrasiya olunmasında ümummilli liderimiz, Prezident Heydər Əliyevin müstəsna xidmətlərindən danışmışdır.
Bakı “Asiya” Universitetinin rektoru, professor Cəlil Nağıyev və başqaları Azərbaycan ilə Misir Ərəb Respublikası arasında təhsil əlaqələrinin inkişafının vacibliyindən və əhəmiyyətindən danışmış, bununla bağlı fikir və mülahizələrini bildirmişlər.
Bölmənin digər xəbərləri
