Monteneqro millisinin sabiq hücumçusu 43 yaşında dünyasını dəyişib
Bakı, 19 mart, AZƏRTAC
Monteneqro millisinin sabiq hücumçusu Andriya Delibasiç dünyasını dəyişib.
AZƏRTAC xarici mətbuata istinadən xəbər verir ki, onun ölümünə onkoloji xəstəlik səbəb olub.
Veteran futbolçuya 2023-cü ilin martında beyin şişi diaqnozu qoyulub. O, əməliyyatdan sonra ölkəsinin “Buduçnost” klubunda idman direktoru kimi çalışsa da, xəstəlik yenidən baş qaldırıb.
Qeyd edək ki, Andriya Delibasiç "Partizan"la Serbiya çempionu, "Benfika" ilə Portuqaliya çempionu olub. O, Monteneqro yığmasında 21 oyunda 6 qolla yadda qalıb.
Bölmənin digər xəbərləri
