Monteneqrolu sabiq nazir: süni intellekti düzgün istifadə etməsək,hər bir problem kəskin şəkildə dərinləşəcək
Bakı, 16 mart, AZƏRTAC
Dünyamız daha çox rəqəmsallaşacaq. Hazırda istədiyimiz yerdən məlumatları digər yerə ötürə bilirik. Bu, bəzən kənardan lazımsız müdaxilələrə də səbəb ola bilər. Artıq bilirik ki, süni intellekti düzgün formada istifadə etməsək, hər bir problem kəskin şəkildə dərinləşəcək. Bununla bağlı müzakirələr apardıqca risklərin yumşaldılması yollarını kəşf edirik.
AZƏRTAC xəbər verir ki, bu sözləri Monteneqronun sabiq müdafiə naziri Miliça Peyanoviç-Durisiç XI Qlobal Bakı Forumu çərçivəsində keçirilən “Süni intellekt, dronlar və kibersilahlar dövründə yeni təhlükəsizlik nümunələri” mövzusunda panel iclasında bildirib.
“Hərbi sahədə daha çox süni zəkaya əsaslanan həll yolları üstün tutulur. Bununla bağlı avadanlıqlar da yenilənir. Amma digər tərəfdən, süni intellektin yaratdığı münaqişələrin qarşısını almalı, narahatlığımızı sərgiləməliyik”, - deyə monteneqrolu nazir qeyd edib.
Bölmənin digər xəbərləri
