İDMAN
MOSKVADAKI HƏMVƏTƏNLƏRİMİZ FƏRİD MANSUROVU TƏBRİK EDİRLƏR
“Əzizimiz Fərid!
Afina Olimpiadasında qızıl medal alaraq, Azərbaycan bayrağını zirvələrə qaldırdığına görə səni Moskvadakı azərbaycanlılar adından səmimi qəlbdən təbrik edir və komandamıza yeni-yeni uğurlar arzulayırıq.
Bu qələbə respublikamızda idmanın inkişafına böyük qayğı göstərmiş möhtərəm Prezidentimiz İlham Əliyevin qələbəsidir. Biz fürsətdən istifadə edib cənab Prezidentimizi təbrik edir, səni isə yarışlardan sonra Moskvada həmvətənlərimizlə görüşə dəvət edirik.
Səni bir daha bağrımıza basıb öpür və yolunu səbirsizliklə gözləyirik”.