Mövsümi musson yağışları Pakistanda 104 nəfərin həyatına son qoyub
Bakı, 14 iyul, AZƏRTAC
İyunun 26-dan iyulun 12-dək Pakistanda yağan güclü musson yağışları və daşqınlar nəticəsində azı 104 nəfər həlak olub, 200-dən çox insan isə xəsarət alıb.
AZƏRTAC xəbər verir ki, bu barədə Pakistanın Təbii Fəlakətlərlə Mübarizə üzrə Milli İdarəsi məlumat yayıb. Məlumata görə, ən çox insan tələfatı ölkənin şərqində yerləşən Pəncab əyalətində qeydə alınıb - 39 nəfər. Hayber-Paxtunxva əyalətində 31 nəfər, Sind əyalətində 17 nəfər, Bəlucistan əyalətində isə 16 nəfər həlak olub.
Yağıntıların yaxın günlərdə də davam edəcəyini proqnozlaşdıran meteorologiya xidmətləri təhlükə altında olan bölgələrdə yaşayan insanları ehtiyat tədbirləri görməyə çağırıblar. Hazırda təbii fəlakətdən zərər çəkən ərazilərdə axtarış-xilasetmə işləri davam edir.
Bölmənin digər xəbərləri
