Bakı, 30 sentyabr, AZƏRTAC

Parlament seçkilərinin ölkəmizin bütün ərazilərində keçirilməsi, 26 siyasi partiyadan 25-nin bu seçkilərdə iştirak etməsi mühüm hadisədir.

AZƏRTAC xəbər verir ki, bu fikri Mərkəzi Seçki Komissiyasının (MSK) sədri Məzahir Pənahov VII çağırış Milli Məclisin payız sessiyasının sentyabrın 30-da keçirilən ilk iclasında səsləndirib.

MSK sədri bildirib ki, 25 siyasi partiyanın seçkilərə qoşulması cəmiyyətin digər üzvlərinin, vətəndaşların səsvermə prosesində iştirakına da müsbət təsirini göstərib.

Seçki prosesinin yüksək səviyyədə keçməsinin yerli və beynəlxalq müşahidəçilər tərəfindən də qeyd edildiyini diqqətə çatdıran M.Pənahov bu rəyin verilməsində ölkə üzrə min seçki məntəqəsində veb-kameraların quraşdırılmasının rolunu qeyd edib.