Müdafiə Nazirliyi: Göyçayda həyətdə tapılan qazla dolu şar təhlükəsizdir
Bakı, 4 dekabr, AZƏRTAC
Müdafiə Nazirliyi Göyçay rayonunda həyətə üzərində şar olan plastik qabdan ibarət bağlamanın düşməsi barədə yayılan məlumatlara aydınlıq gətirib.
Müdafiə Nazirliyinin mətbuat xidmətindən AZƏRTAC-a bildiriblər ki, bəzi yerli elektron KİV-lərdə Göyçay rayonunda yaşayan sakinlərdən birinin evinin həyətinə üzərində şar olan plastik qabdan ibarət bağlamanın düşməsi barədə məlumat yayılıb.
Məlumatda bildirilir ki, atmosferin meteoroloji vəziyyətinin qiymətləndirilməsi məqsədilə artilleriya təlimlərindən əvvəl helium qazı doldurularaq buraxılan zond (şar) havanın müxtəlif parametrlərini ölçmək imkanı verir.
Meteoroloji vəziyyəti qiymətləndirmək üçün havaya buraxılmış bu zond təhlükəsizdir və təşvişə heç bir səbəb yoxdur.
Bölmənin digər xəbərləri
