Muğanlı-İsmayıllı-Qəbələ avtomobil yolunun layihəsində tunel tikilməsi nəzərdə tutulub
Bakı, 11 may, AZƏRTAC
Muğanlı-İsmayıllı-Qəbələ avtomobil yolunun tikinti layihəsində meşə örtüyünə daha az zərər verilməsi üçün tunel tikilməsi nəzərdə tutulub.
AZƏRTAC xəbər verir ki, bunu Azərbaycan Avtomobil Yolları Dövlət Agentliyi tərəfindən həyata keçirilən Muğanlı-İsmayıllı-Qəbələ avtomobil yolunun dörd zolağa genişləndirilməsi layihəsinin ətraf mühitə təsirinin qiymətləndirilməsi ilə bağlı ictimai dinləmə zamanı “Gidrotransproyekt” Elmi-Tədqiqat Mərkəzinin direktoru, “Evroskom” Açıq Səhmdar Cəmiyyətinin sədr müavini Natiq Əliyev deyib.
Mərkəzin direktoru bildirib ki, Muğanlı-İsmayıllı-Qəbələ avtomobil yolunun tikintisinin birinci layihəsinin ilk variantında tunel tikilməsi nəzərdə tutulmamışdı. Lakin sonradan meşə örtüyünə zərər verilməməsi, yaşıllıqlara ziyan vurulmaması üçün tunel tikilməsi qərara alındı və bununla da yaşıllıq zonasının saxlanılması və qorunması tələbi yerinə yetirildi.
Bölmənin digər xəbərləri
