Musa Qasımlı: BMT Təhlükəsizlik Şurasında edilən çağırış Ermənistan üçün bir dərs olmalıdır
Bakı, 17 avqust, AZƏRTAC
BMT Təhlükəsizlik Şurasında Ermənistanın niyyətlərinin boşa çıxmasını və hansı zərbə aldığını bilməkdən ötrü buna qədər yürütdüyü siyasətə qısa bir nəzər salmaq gərəkdir. Ermənistan hiyləgərliklə “humanitar fəlakət” şousu yaradaraq dünya ictimaiyyətinin diqqətini cəlb etməyə çalışdı. Niyyət ondan ibarət idi ki, bu teatrın, “humanitar fəlakət” şousunun arxasınca məsələni beynəlxalq təşkilatlara çıxartsın, ictimai rəyi cəlb eləsin, bəlli qərarların qəbul edilməsinə nail olsun. Sonra isə bundan istifadə edərək Azərbaycanla sülh müqaviləsinə gedən yola əngəllər törətsin, sərhədlərin delimitasiyası və demarkasiyasını həyata keçirməsin, sülh sazişi imzalamasın, havadarlarının köməyi ilə hansısa təxribatlara getsin.
Bu fikirləri AZƏRTAC-a açıqlamasında Milli Məclisin deputatı professor Musa Qasımlı söyləyib. Deputat bildirib ki, Ermənistanın ssenarisi, siyasətinin əsasında bu dayanırdı və məqsədləri də bunlar idi. Amma Təhlükəsizlik Şurasında Ermənistan öz istəklərinə çata bilmədi. Bu niyyətlərə çata bilməməyin bir sıra səbəbləri var. Hər şeydən əvvəl, dünya indi çox kiçilib, bəzi təəssübkeşliklərə baxmayaraq, dövlətlər həqiqətləri bilirlər. Əlbəttə, bu həqiqətlər təsadüfən həmin dövlətlərə çatmayıb. Azərbaycan həqiqətlərini dünyaya çatdıran Prezident İlham Əliyevin rəhbərliyi altında dəqiq müəyyənləşdirilmiş xarici siyasətimizi həyata keçirən diplomatiyamızdır. Azərbaycanın uğurunun təməlində, ilk növbədə, haqqa və ədalətə əsaslanması dayanır. Azərbaycanın işi haqq işidir və ədalətlidir. Özünə hörmət edən heç bir dövlət sərhədindən qanunsuz yüklərin ərazisinə daşınmasına icazə verə bilməz. Hər hansı bir “yardım” adı altında silah-sursat, terrorçunun daşınmasına imkan verən və ya icazə verən bir dövlətə heç bir zaman digər ölkələr hörmətlə yanaşmazlar. Azərbaycan özünə hörmət edən, haqqı, ədaləti qoruyan bir dövlətdir. İkincisi, Azərbaycanın işi, mövqeyi BMT Nizamnaməsinə əsaslanır. Qarabağı bütün dünya Azərbaycanın ərazisi olaraq qəbul edir. Azərbaycanın öz ərazisində suveren hüquqları həyata keçirməyə haqqı var. Ermənistanın bütün havadarlarının səylərinə baxmayaraq, Təhlükəsizlik Şurasında faktlarla rəsmi Yerevanın siyasəti ifşa edildi. Açıq şəkildə demək lazımdır ki, dünyada bu ermənilər qədər iyrənc, böhtançı və saxtakar ikinci bir ünsür yer üzünə gəlməyib, yoxdur. Ərlə-arvad dalaşır, ər arvadını öldürür, Xankəndində bildirirlər ki, arvad acından ölüb. Yol qəzasında bir erməni ölür. Ermənistan deyir ki, bu şəxs acından ölüb. Amma necə aclıqdır ki, Xankəndidə toy-bayram edirlər.
“Azərbaycanın mövqeyi haqqa, ədalətə və BMT Nizamnaməsinə əsaslanır. Azərbaycan Ağdam-Xankəndi yolunu təklif edir, bütün ermənilərə bərabər münasibət bəsləyir. Qanunları qəbul edən ermənilər Azərbaycan vətəndaşı kimi bütün hüquqlara sahibdirlər. Qısa müddətdə Xankəndiyə dəmir yolunun çəkilişi həyata keçirilir, avtomobil yolu tikilir. Ermənistan Qarabağda yaşayan bir neçə min ermənini özünün girovuna çevirməməlidir. Ağdamla Xankəndi arasındakı yol daha qısadır, daha əlverişlidir və kimsə Azərbaycanın hüdudları daxilində necə davranmağı Azərbaycan dövlətinə hökm edə bilməz. Hökm edən yeganə qüvvə Azərbaycan dövlətidir. Bu məsələlərdən danışarkən yadıma bir olmuş hadısə düşdü. Ötən əsrin 60-cı illərinin əvvəllərində Anastas Mikoyan sovet lideri Nikita Xuruşşova bildirir ki, bəs Dağlıq Qarabağ məsələsini həll etmək və Ermənistana vermək lazımdır. Xuruşşov cavabında deyir ki, siz bu məsələdə belə israr edirsinizsə onun həlli yolunu mən daha yaxşı bilirəm. Səhv etmirəmsə, deyir ki, 12 min hərbi yük maşını verib bir gündə oradakı erməniləri Ermənistana köçürtməklə bu məsələni həll eləmək olar. İndi ermənilərin bu həyasızlığı onlar üçün fəlakətə gətirib çıxaracaq. Hesab edirəm ki, 60-cı illərin əvvəllərindəki kimi, bəlkə də heç 12 min yük maşını lazım olmadı, 1-2 min yük maşını da kifayət edər. Ermənistan ağıllanmasa, onu böyük fəlakətlər gözləyir və heç bir ölkə də gəlib Ermənistan üçün onun avantüraları naminə döyüşməyəcək. Bəyanatlar verə bilərlər, amma o bəyanatların heç bir təsir gücü olmayacaq. Ermənistanın nicatı Azərbaycanla mehriban qonşular kimi dil tapıb yaşamaqdan keçir. Ermənilər bunu nə qədər tez başa düşsələr, qansalar, anlasalar o qədər də faydalarına olacaq. Hesab edirəm ki, BMT Təhlükəsizlik Şurasında edilən çağırış Ermənistan üçün bir dərs olmalıdır. Bu dərsdən nəticə çıxarmasalar, onları çox ağır günlər gözləyir”, - deyə Musa Qasımlı qeyd edib.
Bölmənin digər xəbərləri
