Muzeyin yeni qurulan ekspozisiyasının etnoqrafiya bölməsi yekunlaşmaq üzrədir
Bakı, 7 iyul, AZƏRTAC
Milli Azərbaycan Tarixi Muzeyinin yeni dizayn və zəngin tərtibatla işlənmiş ekspozisiyasının etnoqrafiya bölməsində ziyarətçilərə müxtəlif mövzularda qurulmuş vitrinlər təqdim olunacaq.
Muzeydən AZƏRTAC-a bildirilib ki, ümumilikdə muzeyin zəngin etnoqrafik kolleksiyasından 600-ə yaxın eksponat nümayiş ediləcək.
Qeyd edək ki, sözügedən bölmə Azərbaycan tarixinin XIX-XX əsrin əvvəllərinə aid atçılıq, misgərlik, hamam mədəniyyəti, toy mərasimi, ipəkçilik, xalçaçılıq və s. mövzularını əhatə edir. Eyni zamanda, ziyarətçilər müxtəlif bölgələrimizə məxsus milli geyim nümunələri ilə tanış olacaqlar.
Bölmənin digər xəbərləri
