NAXÇIVANDA “KANAL-35” STUDİYASI EFİRƏ ÇIXDI
Ümummilli liderimiz Heydər Əliyevin Azərbaycanda siyasi hakimiyyətə gəlişinin 35 illiyi ilə əlaqədar nazirliyin tabeliyində elmi-publisistik proqramlar yayan “Kanal-35” müstəqil televiziya studiyasının da açılışı olmuşdur.
Açılış mərasiminə gələn Naxçıvan Muxtar Respublikası Ali Məclisinin sədri Vasif Talıbova burada görülən işlər, habelə yeni televiziya studiyasının açılışına hazırlıq işləri barədə məlumat verildi.
Sonra Ali Məclisin sədri radio-televiziya otürücü mərkəzinin yeni binasının istifadəyə verilməsini bildirən rəmzi qırmızı lenti kəsdi və mərasim iştirakçıları “Kanal-35” televiziya studiyasının maddi-texniki bazası ilə yaxından tanış oldular.
Ali Məclisin sədri ümummilli liderimiz Heydər Əliyevin fəaliyyətini əks etdirən, muxtar respublikanın tarixi keçmişindən bəhs edən videokassetləri studiyaya hədiyyə etdi. Həmin gün “Kanal-35” studiyasının bir saatlıq proqramı yayımlandı.
Ali Məclisin sədri gələcəkdə proqramların həcmini artırmaq, müstəqil verilişlər üçün hazırlıq işləri aparmaq, televiziya yayımının muxtar respublika ərazisində təşkili, həm Naxçıvan Dövlət Televiziyası, həm də bu studiya üçün yeni, müasir avadanlıq almaq, yeni studiyanın FM dalğasında radio verilişlərini təşkil etmək və digər məsələlər barədə tapşırıqlar verdi.
