Nazirlik: Etilen-Polietilen zavodunda baş verən yanğın nəticəsində havanın çirklənmə səviyyəsi araşdırılır
Bakı, 13 iyun, AZƏRTAC
Bu gün Sumqayıt şəhərində yerləşən Etilen-Polietilen zavodunda baş verən yanğın nəticəsində atmosferə yayılan qara tüstü axını ilə əlaqədar havanın çirklənmə səviyyəsini müəyyən etmək üçün Ekologiya və Təbii Sərvətlər Nazirliyinin mütəxəssisləri tərəfindən hazırda sanitar mühafizə zonasından xüsusi cihazlarla nümunələr götürülür.
Nazirliyin mətbuat xidmətinin rəhbəri İradə İbrahimova AZƏRTAC-a bildirib ki, götürülmüş nümunələr üzərində laborator analiz aparıldıqdan sonra nəticələr barədə məlumat veriləcək.
Bölmənin digər xəbərləri
