NBA: “Los-Anceles Klippers” lideri məğlub edərək ardıcıl dördüncü qələbəsini qazanıb
Bakı, 19 mart, AZƏRTAC
ABŞ-ın Milli Basketbol Assosiasiyasında (NBA) növbəti oyunlar keçirilib.
AZƏRTAC xəbər verir ki, ötən gecə daha dörd qarşılaşma təşkil olunub.
Günün mərkəzi görüşündə “Los-Anceles Klippers” doğma meydanda “Klivlend Kavalyers”i 132:119 hesabı ilə məğlub edərək müntəzəm mövsümdə ardıcıl dördüncü qələbəsini qazanıb. Qalib komandanın bombardiri 33 xalla Kauhi Leonard olub. İvica Zubac 28 xal, 20 ribaundla dabl-dabl edib, Ceyms Harden 22, Boqdan Boqdanoviç 20 xal toplayıb. Qonaqların ən məhsuldar oyunçusu isə 24 xalla Maks Strus olub. Donovan Mitçel 18 xal, 11 assist, Darius Qarland və Evan Mobli hərəyə 17 xalla yadda qalıb.
Bu nəticədən sonra “Los-Anceles Klippers” Qərb Konfransının turnir cədvəlində səkkizinci pillədə qərarlaşıb. “Klivlend Kavalyers” isə Şərq Konfransında liderliyini davam etdirir.
Matçların nəticələri
“Şarlot Hornets” - “Atlanta Huks” – 102:134
"Qolden Steyt Uorriors" - "Miluoki Buks" – 104:93
“Boston Seltiks” - “Bruklin Nets” – 104:96
“Los-Anceles Klippers” - “Klivlend Kavalyers” – 132:119.
Bölmənin digər xəbərləri
