NBA: “Minnesota” liderə qalib gələrək uğursuz seriyaya son qoyub
Bakı, 25 fevral, AZƏRTAC
ABŞ-ın Milli Basketbol Assosiasiyasında (NBA) növbəti oyunlar keçirilib.
AZƏRTAC xəbər verir ki, müntəzəm mövsümdə daha səkkiz qarşılaşma təşkil olunub.
Qərb Konfransının lideri “Oklahoma-Siti Tander” evdə “Minnesota”ya 128:131 hesabı ilə uduzub. Qalib komandanın ən məhsuldar oyunçusu 27 xalla Ceyden Makdeniels, meydan sahiblərində isə 39 xal, 10 ribaundla Şey Qilces-Aleksander olub. Bu qələbədən sonra qonaqlar iki oyunluq məğlubiyyət seriyasına son qoyaraq turnir cədvəlinin yeddinci pilləsində qərarlaşıb. Ev sahibi komanda isə liderliyini davam etdirib.
Digər matçların nəticələri
“Filadelfiya” - "Çikaqo Bullz" – 110:142
"Vaşinqton Vizards" - “Bruklin Nets” – 107:99
“Atlanta Huks” - "Mayami Hit" – 98:86
"Yuta Cazz" - “Portland Treil Blazers” – 112:114
"Detroit Pistons" - “Los-Anceles Leykers” – 106:97
"İndiana Peysers" - "Denver Naqqets" – 116:125
“Oklahoma-Siti Tander” - “Minnesota” – 128:131
“Sakramento” - "Şarlot Hornets" – 130:88.
Bölmənin digər xəbərləri
