“NEFTÇİ” FUTBOLÇULARI MOSKVADA QƏLƏBƏ QAZANMAĞA VAR QÜVVƏ İLƏ ÇALIŞACAQLAR
“Neftçi” klubunun vitse-prezidenti Namiq Quliyev Çempionlar liqası təsnifat mərhələsinin cavab görüşü ərəfəsində AZƏRTAC-ın xüsusi müxbirinə demişdir ki, bu oyunun Azərbaycan komandası üçün çox böyük əhəmiyyəti var. Moskvanın OMİK klubu ilə oyunda qələbə və ya qol vurulmaqla hər hansı heç-heçə komandamızı üçüncü mərhələyə çıxaracaqdır. Onun sözlərinə görə, birinci mərhələdə Bosniyanın klubuna qalib gələn, sonra isə OMİK-lə heç-heçə oynayan “Neftçi” futbolçularının ikinci mərhələyə çıxması komandamız üçün böyük nailiyyətdir, belə hadisə son illərdə ilk dəfə baş verir. Özü də, bu mərhələyə Cənubi Qafqaz dövlətlərindən yalnız Azərbaycan vəsiqə qazanmışdır.
N.Quliyev bildirmişdir ki, komanda səylə məşq edir və oyuna ciddi hazırlaşır. Futbolçularımız qələbə qazanmaq üçün var qüvvə ilə çalışacaqlar.
Xatırladaq ki, görüş avqustun 4-də Moskva vaxtilə saat 20.00-da paytaxtın “Dinamo” stadionunda olacaqdır.
“Neftçi” – OMİK oyununa isveçli Daniel Stalhammer hakimlik edəcəkdir.
Bölmənin digər xəbərləri
