“Neftçi”nin futbolçusu Mamadu Kane mövsümün sonunadək paytaxt klubunda qalacaq
Bakı, 11 noyabr, AZƏRTAC
Bakının “Neftçi” klubunun yarımmüdafiəçisi Mamadu Kane mövsümün sonunadək paytaxt klubunda qalacaq.
AZƏRTAC xəbər verir ki, bu barədə Yunanıstan mətbuatı məlumat yayıb.
Bildirilib ki, müqavilə ilə “Olimpiakos”a məxsus olan 24 yaşlı oyunçunun dönüşü mövsümün sonunda baş tutacaq. Pirey təmsilçisi bir müddət əvvəl Qvineya millisinin üzvünü qış fasiləsində heyətinə cəlb etməyi nəzərdən keçirirdi. Lakin məşqçilər korpusu oyun praktikasını itirməməsi üçün Kanenin “Neftçi”də qalmasını məqsədəuyğun bilib.
Qeyd edək ki, yay fasiləsində “Olimpiakos”a transfer olunan Mamadu Kane birillik “Neftçi”yə icarəyə verilib. Onun yunanlarla müqavilə müddəti 2025-ci ilin yayınadəkdir.
Bölmənin digər xəbərləri
