Nəzakət Mehdiyeva: Beynəlxalq müstəvidə yerimizi möhkəmləndirmək üçün yaxşı müəllimə ehtiyacımız var
Bakı, 10 iyul, AZƏRTAC
Bu gün təhsil sisteminə XXI əsrdə yaşaya biləcək, işini lazımi qədər dəyərləndirən müəllim potensialını seçmək lazımdır. MİQ ən yaxşıların yaxşısını seçmək üçün imkan yaradır.
AZƏRTAC xəbər verir ki, bunu Təhsil İnstitutunun Metodik Dəstək və Peşəkar İnkişaf Mərkəzinin direktoru Nəzakət Mehdiyeva bu gün baş tutan brifinqdə deyib.
“Beynəlxalq müstəvidə yerimizi möhkəmləndirmək üçün yaxşı müəllimə ehtiyacımız var. MİQ sübut etdi ki, müəllimlərimiz buna qadirdir. Hər il MİQ-ə müraciət edənlərin sayı artır. Vakansiya yerlərinin az olduğunu bilsələr də, hər kəs müsabiqədə iştirak edir.
Ötən illərdən fərqli olaraq bu il imtahana ayrılan vaxt da uzadılıb. 120 dəqiqədən 150 dəqiqəyə uzadılıb”, - deyə Nəzakət Mehdiyeva qeyd edib.
Bölmənin digər xəbərləri
