Nəzirə Şermatova: TDT-yə üzv ölkələrdən olan tibb bacıları ilə təcrübə mübadiləsi aparmalıyıq
Bakı, 27 noyabr, Nailə Həsənova, AZƏRTAC
Türk Dövlətləri Təşkilatına üzv ölkələrdən olan tibb bacıları və mammoloqlarla təcrübə mübadiləsi aparmalıyıq. Qarşılıqlı səfərlər ixtisasın artırılması və tibb bacılığının daha da inkişaf etdirilməsi üçün faydalı olar.
Bu barədə AZƏRTAC-a müsahibəsində Qırğız Respublikası Ana və Uşaqların Mühafizəsi Milli Mərkəzinin baş tibb bacısı Nəzirə Şermatova bildirib.
Qırğızıstanda tibb bacısı təhsilinə gəldikdə, baş tibb bacısı ölkəsində tibb təhsili müəssisələrinin əksəriyyətinin dövlətə məxsus olduğunu vurğulayıb.
“Biz məhz dövlət təhsilinə daha çox diqqət yetiririk. Hesab edirəm ki, dövlət müəssisələrinə üstünlük verilməlidir, çünki orada təhsil tələbələr üçün perspektivlər açır”, - deyə Nəzirə Şermatova bildirib.
Bölmənin digər xəbərləri
