Nigeriyada “Lassa” qızdırmasından ölənlərin sayı 128-ə çatıb
Bakı, 22 mart, AZƏRTAC
Nigeriyada bu ilin əvvəlindən bəri “Lassa” qızdırmasından ölənlərin sayı 128 nəfərə yüksəlib.
AZƏRTAC xəbər verir ki, Nigeriya Xəstəliklərə Nəzarət və Qarşısının Alınması Mərkəzinin (NCDC) son hesabatına görə, yanvar ayından bəri bu virusa yoluxmuş 682 nəfərdən 128-i ölüb.
NCDC bir həftə ərzində 36 əyalətdən 16-da azı 20 ölümcül hadisənin qeydə alındığını bildirib.
Virusa yoluxanlar arasında 31-40 yaş arası insanlar üstünlük təşkil edir.
“Lassa” qızdırması gəmiricilərin sidiyi və ya nəcisi ilə çirklənmiş qida və ya məişət əşyaları vasitəsilə insanlar arasında yayılan xəstəlikdir.
Bölmənin digər xəbərləri
