Novxanıda istirahət mərkəzində yanğın olub
Bakı, 15 oktyabr, AZƏRTAC
Abşeron rayonunun Novxanı kəndində istirahət mərkəzinin yerləşdiyi ümumi sahəsi 500 kvadratmetr olan ikimərtəbəli binanın birinci mərtəbəsinin yanar konstruksiyaları 100 kvadratmetr sahədə yanıb.
AZƏRTAC Fövqəladə Hallar Nazirliyinin (FHN) saytına istinadla xəbər verir ki, FHN-in Dövlət Yanğından Mühafizə Xidmətinin yanğından mühafizə bölmələri tərəfindən həyata keçirilən operativ və təxirəsalınmaz tədbirlər nəticəsində yanğının geniş əraziyə yayılmasının qarşısı alınıb, yanğın söndürülüb. Binanın qalan hissəsi yanğından mühafizə olunub.
Bölmənin digər xəbərləri
