Nurlan İsmayılbəyli: Bölgələrdə texniki fənlər üzrə müəllimlərə ehtiyac çoxdur
Bakı, 10 iyul, AZƏRTAC
MİQ üzrə imtahanlarda ən çox ibtidai sinif, Azərbaycan dili və ədəbiyyat, riyaziyyat müəllimləri iştirak edirlər.
AZƏRTAC xəbər verir ki, bunu jurnalistlərə açıqlamasında Təhsil İnstitutunun İnsan resursları mərkəzinin direktoru Nurlan İsmayılbəyli deyib. Onun sözlərinə görə, son illərdə imtahanlarda iştirak edən informatika müəllimlərinin sayı artıb.
Nurlan İsmayılbəyli bildirib ki, ingilis dili fənni üzrə müraciət edən müəllimlərin əksəriyyəti paytaxt üzrə vakansiyaları seçməyə üstünlük verir.
Qurum rəsmisi qeyd edib ki, bölgələrdə texniki fənlər üzrə müəllimlərə ehtiyac çoxdur. Bu fənlər arasında xüsusilə fizika və riyaziyyat üstünlük təşkil edir.
Bölmənin digər xəbərləri
