OLİMPİADADA İDMANÇILAR DOPİNQ QƏBUL ETMƏKDƏ İFŞA OLUNUR VƏ MEDALLARI ƏLLƏRİNDƏN ALINIR

23.08.2004 [15:38]
Çap et
A⁺ A^-

AZƏRTAC-ın Afinadan aldığı xəbərdə deyilir ki, Olimpiadada dopinq rüsvayçılığı getdikcə qızışır. Artıq iki idmançı dopinq qəbul etməkdə ifşa olunmuş və onların medalları geri alınmışdır.

Bazar günü Beynəlxalq Olimpiya Komitəsi Oyunların bürünc mükafatını qazanan yunanıstanlı ağırlıqqaldıran Leonidas Sampanisin dopinq yoxlaması müsbət nəticə verdiyinə görə onu bundan sonra yarışlara çıxmaq hüququndan və medaldan məhrum etmişdir. İndi onun bürünc medalı 4-cü nəticə göstərən İzrael Xose Rubioya (Venesuela) veriləcəkdir.

Rusiya komandasının da medalı geri alınmışdır. Yadro itələyən İrina Korjanenkonun dopinq nümunəsinin analizi onun qanında stanazolol olduğunu təsdiqləmişdir. Beləliklə, İrinanın qızıl medalı kubalı Yumileydi Kumbaya veriləcəkdir. Lakin o, bununla canını qurtarmamışdır. BOK onu yarışmaq hüququndan ömürlük məhrum etmişdir. Çünki Korjanenko 1999-cu il dünya çempionatında da dopinq qəbul etməkdə ifşa olunmuşdu.

İDMAN

OLİMPİADADA İDMANÇILAR DOPİNQ QƏBUL ETMƏKDƏ İFŞA OLUNUR VƏ MEDALLARI ƏLLƏRİNDƏN ALINIR

MÜƏLLİFLƏ ƏLAQƏ

Bölmənin digər xəbərləri