OLİMPİADANIN AÇILIŞ MƏRASİMİ MİLYONLARLA İNSANI HEYRAN EDƏCƏK

11.08.2004 [19:19]
Çap et
A⁺ A^-

Olimpiya oyunlarının təntənəli açılış mərasimi Afinanın baş stadionunda 70 min tamaşaçını və teletamaşaçıların milyardlıq auditoriyasını sevincdən göz yaşlarına qərq edəcəkdir. AZƏRTAC xəbər verir ki, bunu Olimpiada Təşkilat Komitəsinin sədri İoanna Angelopolus Daskalaki avqustun 11-də mətbuat konfransında bildirmişdir.

Mərasimin əsas ideyaları - “dünyanın mifoloji və məntiqi surətdə qavranılması” və “insanın özünü dərk etməsi” ideyaları bədii rəhbər Dimitris Papaioannuya məxsusdur. Proqramda 4 mindən çox adam iştirak edir, dekorasiyaların ümumi çəkisi 10 min tondur. 3,5 saat ərzində bütün stadion nəhəng bir teatra çevriləcəkdir.

Daskalaki demişdir ki, tamaşaçıların və iştirakçıların stadionu tamamilə tərk etməsinə cəmi 17 dəqiqə vaxt lazım olacaqdır. Bundan ötrü xüsusi komandalar hazırlanmışdır.

OLİMPİADANIN AÇILIŞ MƏRASİMİ MİLYONLARLA İNSANI HEYRAN EDƏCƏK

MÜƏLLİFLƏ ƏLAQƏ

Bölmənin digər xəbərləri