İDMAN
OLİMPİADANIN FUTBOL TURNİRİNİN İLK NƏTİCƏLƏRİ
AZƏRTAC-ın xəbər verdiyi kimi Afina Olimpiadasının futbol turniri Oyunların başlanmasından üç gün əvvəl start götürmüşdür. Artıq ilk oyunların nəticələri məlumdur.
Kişilərin turnirində Argentina futbolçuları Serbiya və Çernoqoriya komandasını ağır məğlubiyyətə uğratmışlar – 6:0. Mali və Meksika yığmaları heç-heçə oynamışlar – 0:0. Tunis-Avstraliya görüşündə də xallar yarı bölünmüşdür – 1:1. Yunanlar Koreya komandası ilə oyunda çox çətinliklə heç-heçəyə nail olmuşlar – 2:2.
Qadınların turnirində ABŞ komandası meydan sahiblərinə 3:0 hesabı ilə qalib gəlmişdir. Braziliyalılar Avstraliya yığması ilə görüşdə çətinliklə qələbə qazanmışlar – 1:0. Almanlar Çin komandasının qapısından 8 cavabsız top keçirmişlər. İsveçlilər isə yaponlarla oyunda uduzmuşlar – 0:1.