OLİMPİYA MEDALLARINA NƏ QƏDƏR METAL SƏRF EDİLMİŞDİR?

23.08.2004 [17:57]
Çap et
A⁺ A^-

AZƏRTAC-ın İTAR-TASS agentliyindən aldığı xəbərə görə, XXVIII yay Olimpiadası üçün təxminən 3 min medal hazırlanmasına 13 kiloqram xalis qızıl, bir ton gümüş və mis sərf olunmuşdur. Yunanıstanın “Fəxri kolleksiya” istehsalçı şirkətinin məlumatına görə, diametri 60 millimetr olan medallardan hər biri 150 qram ağırlığındadır.

Medallar aşkar yunan xarakteri daşıması ilə fərqlənir. Onların üz tərəfində Afinanın mərkəzindəki tarixi mərmər stadionun – 1896-cı ildə ilk, dirçəldilmiş Olimpiya oyunlarının keçirildiyi və hələ antik dövrlərdə mövcud olmuş stadionun meydanına enməyə hazırlaşan ilahə Nika təsvir edilmişdir. Arxa tərəfində isə Olimpiya məşəlinin və Oyunların embleminin təsviri verilmişdir. Onların arasında qədim yunan şairi Pindarın eramızdan əvvəl Egin adasından olan güləşçinin olimpiya qələbəsi şərəfinə qələmə aldığı səkkizinci odadan sətirlər yazılmışdır.

Olimpiya mükafatlarının görkəmi 1928-ci il Amsterdam Oyunlarından bəri ilk dəfə olaraq dəyişdirilmişdir. Onlarda ilahə Nika və əvvəlki medallarda daha çox Roma arenasını xatırladan stadion yeni təsvirdə verilmişdir. Sonrakı 10 Olimpiadada medalların məhz bu cür görkəmdə olması üçün Beynəlxalq Olimpiya Komitəsinin razılığı alınmışdır.

İDMAN

OLİMPİYA MEDALLARINA NƏ QƏDƏR METAL SƏRF EDİLMİŞDİR?

MÜƏLLİFLƏ ƏLAQƏ

Bölmənin digər xəbərləri