OLİMPİYA OYUNLARININ TƏŞKİLAT KOMİTƏSİ 80 MİLYON AVRO TAPA BİLMİR
AZƏRTAC xarici KİV-lərə istinadla xəbər verir ki, Turin Olimpiadasının başlanmasına bir aydan az vaxt qalmışdır. Oyunların büdcəsində isə 80 milyon avro kəsir var. Təşkilat Komitəsinin sədri Valentino Kastellani etiraf etmişdir ki, çatışmayan məbləği əldə etmək üçün ciddi ideyalar irəli sürülmür. Olimpiya lotereyası vasitəsilə tələb olunan məbləğin yalnız dörddə bir hissəsini əldə etmək olar. Turin hökuməti yarışlar başa çatdıqdan sonra Olimpiya kəndindəki 200 binanın satışından təxminən 40 milyon avro qazanacağına ümid bəsləyir. Bununla belə, yenə də 20 milyon dollar çatışmayacaqdır.
Bölmənin digər xəbərləri
