Ölkə ərazisində qeyri-sabit hava şəraiti iyunun 24-dək davam edəcək
Bakı, 20 iyun, AZƏRTAC
Milli Hidrometeorologiya Xidmətinin məlumatına əsasən iyunun 20-si gündüzdən 21-i səhərədək Bakıda və Abşeron yarımadasında
şimal-qərb küləyinin 15-20 metr/saniyə, arabir 23-25 metr/saniyəyədək güclənəcəyi gözlənilir.
Xidmətdən AZƏRTAC-a verilən məlumata görə, ölkə ərazisində qeyri-sabit hava şəraiti iyunun 24-dək davam edəcək. Bəzi yerlərdə fasilələrlə leysan xarakterli yağış yağacağı gözlənilir. Əsasən Qazax-Gəncə, Qarabağ və Şərqi Zəngəzur, Balakən-Şəki, Quba-Qusar, Dağlıq Şirvan, Mərkəzi Aran rayonlarında yağıntıların intensiv və güclü olacağı, şimşək çaxacağı, dolu düşəcəyi ehtimalı var.
Şərq küləyi 15-20 metr/saniyə, bəzi yerlərdə arabir 23-28 metr/saniyəyədək güclənəcək.
Çaylarda sululuğun artacağı, bəzi dağ çaylarından qısamüddətli sel keçəcəyi gözlənilir.
Bölmənin digər xəbərləri
