Ölkədaxili qatarların hərəkəti müvəqqəti bərpa olunub
Bakı, 19 mart, AZƏRTAC
Bayram tətili günlərində bölgələrə səfər etmək istəyən sərnişinlərin müraciət və istəklərini nəzərə alaraq “Azərbaycan Dəmir Yolları” QSC ölkədaxili bütün istiqamətlərdə qatarların hərəkətini müvəqqəti bərpa edir.
QSC-nin Mətbuat katibliyi şöbəsindən AZƏRTAC-a bildirilib ki, 19-20 mart tarixlərində Bakıdan yola düşən Bakı-Böyük Kəsik, Bakı-Köçərli-Balakən, Bakı-Astara-Horadiz qatarlarına, martın 20-də isə Bakı-Gəncə sürət qatarına bir istiqamətdə bilet satışına başlanılıb.
Qatarlar martın 20-si və 21-də geriyə sərnişinsiz geri qayıdacaq.
Bölmənin digər xəbərləri
