On dörd ildən sonra Azərbaycan şahmatçıları dünya çempionatında parlaq qələbə qazandılar
Bakı, 24 oktyabr, AZƏRTAC
İtaliyada 20 yaşa qədər gənclər arasında dünya çempionatında təmsilçilərimizin iki qızıl medal əldə etmələri Azərbaycan idmanının təntənəsidir. Son illər ölkəmizdə şahmatçılarımızın qazandığı nailiyyətlər bu sahədə böyük tərəqqinin bariz nümunəsidir.
Bunu AZƏRTAC-a müsahibəsində şahmat üzrə qadınlardan ibarət yığma komandanın baş məşqçisi Fikrət Sideifzadə İtaliyada gənclər arasında dünya çempionatında Azərbaycan təmsilçilərinin qazandıqları qələbə ilə bağlı fikirlərini bölüşərkən deyib.
O qeyd edib ki, bu yaş qrupunda son dəfə Azərbaycan təmsilçiləri 2008-ci ildə medal qazanıblar: “Eltac Səfərli 2008-ci ildə keçirilmiş dünya çempionatında bürünc medal qazanıb. Ondan əvvəl Şəhriyar Məmmədyarov iki qızıl medala, Zeynəb Məmmədyarova isə bürünc medala sahib olublar. On dörd ildən sonra Azərbaycan şahmatçıları dünya çempionatında parlaq qələbə qazandılar. Belə bir nüfuzlu yarışda iki qızıl medal tarixi nəticədir”.
Bölmənin digər xəbərləri
