DÜNYA
“Onur Group” və “Samsung” Ukraynanın bərpası üzrə saziş imzalayıb
![“Onur Group” və “Samsung” Ukraynanın bərpası üzrə saziş imzalayıb](/files/2023/2/1200x630/1689665217274141412_1200x630.jpg)
Bakı, 18 iyul, AZƏRTAC
Türkiyənin inşaat nəhəngi “Onur Group” Ukrayna infrastrukturunun bərpası və inkişafına dair Cənubi Koreyanın “Samsung” kompaniyası ilə saziş imzalayıb.
AZƏRTAC Türkiyə mediasına istinadla xəbər verir ki, “Samsung” kompaniyası Ukraynanın bərpasına 8 milyard dollar yatırım edəcək. Türkiyə və Cənubi Koreya kompaniyalarının inşaat bölmələri Lvov şəhərində ağıllı şəhər infrastrukturunun qurulması üzrə razılığa gəlib. Sazişin ikinci hissəsi Ukrayna ərazisində enerji sektoru, infrastruktur layihələri və mənzil tikintisi üzrə hərtərəfli əməkdaşlığı nəzərdə tutur.
Hazırda Türkiyənin 700-dən çox kompaniyası Ukraynada fəaliyyətini davam etdirir. Türkiyə Ukraynaya 4,5 milyard dollardan çox investisiya yatırıb və beləliklə, Ankara bu ölkədə ən iri sərmayədar mövqeyinə yiyələnib. “Onur Group” isə Ukraynanın ən böyük podratçısıdır.