DÜNYA
“OPEC+” ölkələri üçün cari ildə gündəlik neft hasilatı proqnozu artırılıb
![“OPEC+” ölkələri üçün cari ildə gündəlik neft hasilatı proqnozu artırılıb](/files/2023/2/1200x630/16917373971203264925_1200x630.jpg)
Bakı, 11 avqust, AZƏRTAC
Bu il “OPEC+” ölkələrində neft hasilatının sutkada 1,5 milyon barel artacağı proqnozlaşdırılıb.
AZƏRTAC OPEC-in aylıq hesabatına istinadla xəbər verir ki, ümumi hasilat sutkada 67,3 milyon barel səviyyəsində olacağı gözlənilir.
Təşkilat proqnoza yenidən baxılmasını Kanada, İqtisadi Əməkdaşlıq və İnkişaf Təşkilatı (OECD) ölkələri üzrə göstəricilərin azalması ilə əlaqələndirir. Bu isə Rusiya və ABŞ üçün proqnoz göstəricisinin artımı ilə kompensasiya edilir.
Ötən ay “OPEC+” ölkələrində neft hasilatının gündəlik 1,4 milyon barel artaraq, sutkada 67,1 milyon barel olacağı proqnozlaşdırılırdı.
2023-cü ildə neft hasilatı artımının hərəkətverici qüvvəsi əsasən ABŞ, Norveç, Braziliya, Kanada, Qazaxıstan, Çin və Qayana olacaq. Eyni zamanda, hesabatda ilin qalan dövründə ABŞ-da şist neft hasilatı potensialı və planlaşdırılmamış texniki xidmətlə bağlı qeyri-müəyyənliyin davam etdiyi vurğulanıb.
Həmçinin, OPEC-in hesabatında bildirilib ki, 2024-cü ildə qeyri-OPEC ölkələrində maye karbohidrogenlərin hasilatının əvvəlki illə müqayisədə sutkada 1,4 milyon barel artacağı və ötən aydakı proqnozla müqayisədə gündəlik orta hesabla 68,7 milyon barel olacağı gözlənilir.