“OpenAI” şirkəti hər kəsə əlçatan olacaq ən yeni ChatGPT modelini təqdim edib
Bakı, 8 avqust, AZƏRTAC
“OpenAI” şirkəti GPT-5 süni intellekt modelini təqdim edib. Bu yeni model indi bütün ChatGPT istifadəçiləri üçün, hətta ödənişli abunə olmadan da əlçatandır.
AZƏRTAC “ixbt.com” saytına istinadla xəbər verir ki, tərtibatçıların sözlərinə görə, yeni məhsul özündən əvvəlki versiyaların əsas üstünlüklərini özündə cəmləşdirir, habelə tədqiqat və təhlildən tutmuş proqramlaşdırma və tətbiqi problemlərin həllinə qədər geniş spektrli tapşırıqlar üçün nəzərdə tutulub.
Əsas yeniliklərdən biri süni intellektlə ünsiyyətin “tonunu” seçmək imkanı idi. Beş üslub mövcuddur: standart, sinik, robot, dinləyici və botanik. Səs rejimi də təkmilləşdirilib, mesajların rəng dizaynı və “Google Mail” və “Google Calendar” ilə inteqrasiya əlavə edilib.
GPT-5 dialoqda yüksək dəqiqliyi və çevikliyi qorumaqla təkmil mətn yaratma və məlumat təhlili alqoritmlərini sələflərindən miras alıb. “OpenAI” yeniləməni istifadəçilərin süni intellektlə daha fərdi və rahat qarşılıqlı əlaqəsinə doğru bir addım kimi tətbiq edir.
Bölmənin digər xəbərləri
