Ötən ay AZAL-ın punktuallıq göstəricisi 93 faiz olub
Bakı, 3 aprel, AZƏRTAC
Azərbaycanın milli aviadaşıyıcısı AZAL bu ilin birinci rübündə 89 faiz uçuşların vaxtında yerinə yetirilməsi göstəricisi ilə 48 istiqamət üzrə 3 min 718 reys yerinə yetirilib.
AZAL-dan AZƏRTAC-a bildirilib ki, 2024-cü ilin birinci rübü ilə müqayisədə punktuallıq göstəricisi üzrə 1 faiz, reyslərin sayı üzrə isə 4 faiz artım müşahidə olunub. Qeyd edək ki, 2025-ci ilin mart ayında punktuallıq göstəricisi 93 faizə çatıb.
Sözügedən dövr ərzində 865 min sərnişin daşınıb. Ötən ilin birinci rübündə bu göstərici 811 min nəfər olub ki, bu da sərnişin sayında 7 faiz artım deməkdir. Sərnişin axınında ən pik göstərici 12 yanvar tarixində qeydə alınıb (12 min 350 nəfər). Ötən ilin yanvarın 7-də qeydə alınan ən yüksək sərnişin axını isə 11 min 200 nəfər olub.
AZAL marşrut şəbəkəsini genişləndirmək, xidmət səviyyəsini təkmilləşdirmək, ən yüksək təhlükəsizlik və rahatlıq standartlarını təmin etmək istiqamətində fəaliyyətini davam etdirir.
Bölmənin digər xəbərləri
