Ötən il 186 mindən çox şəxs birdəfəlik müavinət alıb
Bakı, 18 yanvar, AZƏRTAC
Ölkə əhalisinin sosial müdafiəsinin gücləndirilməsi dövlət siyasətinin prioritet istiqamətlərindən biridir.
Dövlət Statistika Komitəsindən AZƏRTAC-a bildiriblər ki, ilkin məlumatlara əsasən 2023-cü ilin əvvəlində ölkədə pensiyaçıların sayı 1 milyon 115 min nəfərə yaxınlaşaraq ölkə əhalisinin 11 faizini təşkil edib.
Həmin dövrdə 417 min nəfər aylıq sosial müavinət, 382 min nəfər isə Prezident təqaüdü alıb. 2022-ci il ərzində məcburi dövlət sosial sığorta haqları hesabına təyin olunmuşlar da daxil olmaqla birdəfəlik müavinət alanların sayı 186 min nəfərdən çox olub.
İlkin məlumatlara əsasən 2023-cü ilin əvvəlinə 66 minədək aztəminatlı ailənin 292 mindən çox üzvü ünvanlı dövlət sosial yardımı alıb və onun bir nəfərə düşən orta aylıq məbləği təxminən 88 manat təşkil edib.
Bölmənin digər xəbərləri
