ÖTƏN İLİN DEKABR AYINDA “AZƏRİQAZ”A 167 MİLYON KUBMETRDƏN ARTIQ TƏBİİ QAZ TƏHVİL VERİLMİŞDİR
Azərbaycan Dövlət Neft Şirkətindən AZƏRTAC-ın müxbirinə bildirmişlər ki, “Azəriqaz”ın təhvil aldığı təbii qazın ümumi həcminin 152 milyon 600 min kubmetri “Azneft” İstehsalat Birliyinin payına düşür. Aylıq proqnozu atıqlaması ilə yerinə yetirən birlik tapşırığa 101 faiz əməl etmişdir.
Müştərək müəssisələr və əməliyyat şirkətləri də təhvildə yüksək göstəriciyə nail olmuşdur. Bu qurumlar cəmiyyətə 8 milyon 200 min kubmetr qaz təhvil verərək, aylıq tapşırığa 139 faiz əməl etmişdir.
Azərbaycan Beynəlxalq Əməliyyat Şirkətinin tərkibinə daxil olan şirkətlər isə “Azəriqaz”a 7 milyon kubmetr təbii yanacaq vermişdir.
Bölmənin digər xəbərləri
