ÖZBƏKİSTAN ELMLƏR AKADEMİYASI 60 İLLİYİNİ QEYD ETMİŞDİR
Akademiyanın prezidenti Behzad Yuldaşov təntənəli yubiley yığıncağında çıxış edərək demişdir ki, ötən 60 ildə Akademiya nəinki Mərkəzi Asiya regionunda, həm də bütün postsovet məkanında aparıcı elmi idarələrdən birinə çevrilmişdir. Onun elmin müxtəlif sahələrində qazandığı uğurlar xarici ölkələrdə də yüksək qiymətləndirilir.
Hazırda Özbəkistan Elmlər Akademiyasında 129 akademik, 500-dən çox elmlər doktoru, 1000-dən artıq elmlər namizədi çalışır. Akademiya 48 elmi tədqiqat institutunu birləşdirir. Özbəkistanın 20-dən artıq alimi bir sıra xarici akademiyaların üzvüdür. Özbəkistan Prezidentinin fərmanı ilə alimlərin böyük bir qrupu yüksək hökumət mükafatları ilə təltif olunmuşdur.
Əlamətdar yubileyə həsr olunmuş təntənəli yığıncaqda bir çox xarici ölkələrin elmlər akademiyalarının nümayəndə heyətləri iştirak etmişlər.
Bölmənin digər xəbərləri
