Pakistanda musson yağışları 90-dan çox insanın həyatına son qoyub
Bakı, 14 iyul, AZƏRTAC
Pakistanda iyunun 25-dən iyulun 12-dək davam edən musson yağışları nəticəsində həyatını itirənlərin sayı 91-ə çatıb.
AZƏRTAC xəbər verir ki, Pakistanın Milli Fəlakətlərin İdarə Edilməsi Agentliyinin məlumatın görə, yaralıların sayı 150-ni ötüb
Açıqlamada qeyd olunub ki, sözügedən tarixlərdə yağan güclü yağışlar nəticəsində 99 evə ziyan dəyib və 11 min insan təxliyə edilib
“Dawn” qəzetində yer alan xəbərə görə, Pəncab əyalətinin Kasur bölgəsində Sutlej çayının daşması nəticəsində 15 kənd seldən zərər çəkib.
Qeyd edək ki, ötən il Pakistanda musson yağışlarının səbəb olduğu daşqınlar nəticəsində 1739 nəfər həlak olmuşdur.
Bölmənin digər xəbərləri
