PARİSDƏ 80 MİN NƏFƏRLİK NÜMAYİŞ KEÇİRİLMİŞDİR

29.05.2004 [11:01]
Çap et
A⁺ A^-

AZƏRTAC-ın xüsusi müxbiri xəbər verir ki, Fransanın Qaz de Frans və Elektrisite de Frans müəssisələrinin beş həmkarlar ittifaqı təşkilatından dördünün çağırışı ilə hökumətin bu müəssisələrin hüquqi statusunun dəyişdirilməsi və özəlləşdirilməsi ilə bağlı layihəsinə etiraz əlaməti olaraq Parisdə növbəti güclü nümayiş keçirilmişdir. Nümayişdə hər iki müəssisənin 80 min işçisi iştirak etmişdir.

Paytaxtın Bastiliya meydanından İnvalid meydanına doğru hərəkət edən nümayişçilər hökumətin statusla bağlı yeni layihəsinə etiraz əlaməti olaraq müxtəlif şüarlar səsləndirmiş, onun ləğv edilməsini tələb etmişlər.

Ölkənin iqtisadiyyat, maliyyə və sənaye naziri Nikola Sarkozi çoxsaylı işçi qüvvəsini birləşdirən bu müəssisələrin özəlləşdirilməyəcəyini bəyan etmişdir.

Nümayişçilər, onların tələbləri yerinə yetirilmədiyi halda iyunun 15-də bütün ölkəni bürüyəcək daha güclü nümayiş keçirəcəkləri barədə hökumətə xəbərdarlıq etmişlər.

PARİSDƏ 80 MİN NƏFƏRLİK NÜMAYİŞ KEÇİRİLMİŞDİR

MÜƏLLİFLƏ ƏLAQƏ

Bölmənin digər xəbərləri