Paytaxtda saxta əsginaslarla yaşlı insanları aldadan şəxs həbs edilib
Bakı, 7 avqust, AZƏRTAC
Məhərrəm ayı ilə bağlı yaşlı nəslə yardım ediləcəyi adı ilə vətəndaşlardan pul yığılması və saxta əsginaslar təqdim edilməsi ilə bağlı Yasamal Rayon Polis İdarəsində Cinayət Məcəlləsinin müvafiq maddəsi ilə cinayət işi başlanılıb.
Daxili İşlər Nazirliyinin mətbuat xidmətindən AZƏRTAC-a bildirilib ki, qeyd edilən əməli törətdiyi üçün polis əməkdaşları tərəfindən saxlanılan 1993-cü il təvəllüdlü Əmrahov Vüsal Tahir oğlu barəsində məhkəmənin qərarı ilə həbs qətimkan tədbiri seçilib. Onun əməlindən zərərçəkən başqa şəxslər varsa bu barədə polisə məlumat verə bilərlər.
Hadisə ilə bağlı araşdırmalar davam etdirilir.
Bölmənin digər xəbərləri
