Peruda hava limanı etirazlar səbəbi ilə fəaliyyətini dayandırıb
Bakı, 13 yanvar, AZƏRTAC
Perunun Kusko hava limanı etirazlar səbəbi ilə fəaliyyətini dayandırıb.
AZƏRTAC TASS agentliyinə istinadla xəbər verir ki, bu barədə ölkənin Nəqliyyat və Rabitə Nazirliyi məlumat yayıb.
"Profilaktik məqsədlər üçün Kusko şəhərindəki hava limanı fəaliyyətini dayandırıb. Bu tədbir insanların sağlamlığının qorunması və hərəkətin təhlükəsizliyinin təmin edilməsi məqsədilə həyata keçirilir", - nazirliyin bəyanatında deyilir.
İkinci gün hökumət əleyhinə etirazçılar Kusko hava limanını ələ keçirməyə çalışırlar. Hələlik polis nümayişçiləri hava limanından uzaqlaşdırmağa nail olub. Qeyd edək ki, 2022-ci il dekabrın 7-də prezident Pedro Kastilyonun hakimiyyətdən uzaqlaşdırılmasından sonra Peruda genişmiqyaslı etirazlar başlayıb. Etirazçılar dövlət başçısı Dina Boluartenin istefasını və yeni seçkilərin keçirilməsini tələb edirlər. Nümayişçilərlə polis arasında baş verən toqquşmalarda 40-dan çox adam həlak olub.
Bölmənin digər xəbərləri
